“Müdafiədə və hücumda çox yaxşı performans göstərdik”

“Müdafiədə və hücumda çox yaxşı performans göstərdik”.

Futbolxeber.az saytının məlumatına görə, bunu "Neftçi"nin məşqçisi Daviti Çivçivadze Azərbaycan Basketbol Liqasının XII turunda "Sabah"a məğlubiyyətdən sonra klubun mətbuat xidmətinə açıqlamasında deyib.

Mütəxəssis məşqlərdə daha çox çalışmalı olduqlarını bildirib: “Sabah"la matç göstərdi ki, istənilən komandaya qarşı oynaya bilərik. Müdafiədə və hücumda çox yaxşı performans göstərdik. Ancaq bəzi səhvlərimiz oldu ki, bu da normaldı. Şansımız var idi, qalib gələ bilərdik. Ancaq alınmadı. Çox çətin qarşılaşma oldu. Ümumiyyətlə, bu, səhvlər oyunu idi və hansı komanda daha az səhv etsəydi, qalib gələcəkdi. Məşqlərdə daha çox çalışmalı və öz oyunumuzu təkmilləşdirməliyik. Komandama mübarizəyə və göstərdiyi oyuna görə təşəkkürümü bildirir, “Sabah” komandasını isə qələbə münasibətilə təbrik edirəm”.

Qeyd edək ki, Bakı İdman Sarayında baş tutan A qrupunun matçında "Sabah" "Neftçi"ni 75:65 hesabı ilə məğlub edib.