Toraldan qol ötürməsi, "Bursaspor"dan qələbə

Türkiyə 1-ci Liqasında 13-cü turun oyunları keçirilir.

Futbolxeber.az saytının məlumatına görə, Azərbaycan millisinin futbolçusu Toral Bayramovun formasını geyindiyi "Bursaspor" doğma meydanda "Bandırmaspor"u qəbul edib. Qarşılaşma Bursa təmsilçisinin 3:0 hesablı inamlı qələbəsi ilə başa çatıb.

Toral oyuna start heyətində başlayıb və sonadək meydanda mübarizə aparıb. O, 7-ci dəqiqədə komandasının ilk qolunda məhsuldar ötürmə ilə yadda qalıb.

Qeyd edək ki, bu qələbədən sonra xallarının sayını 31-ə çatdıran "Bursaspor" turnir cədvəlinin 1-ci pilləsində qərarlaşıb.