AVRO-2016: “Azərbaycan Avropa çempionatını yüksək səviyyədə təşkil edəcək”

“Hazırda Bakıda olduğumuz üçün çox şadıq. Qarşıdakı Avropa çempionatı bizim üçün mühüm əhəmiyyət kəsb edir. Əlimizdən gələni edəcəyik ki, burada uğur qazanaq”. Futbolxeber.az saytına açıqlamasında bu sözləri Almaniyanın U-17 millisinin baş məşqçisi Meikel Şönveitz deyib.

Alman mütəxəssis qeyd edib ki, Bakıda keçiriləcək Avropa çempionatında təşkilatçılığın yüksək səviyyədə olacağına əmindir: “Çempionatın püşkatması zamanı da Bakıda olmuşdum. Hələ o vaxt şahid oldum ki, Azərbaycan bu yarışa çox ciddi hazırlaşır. Təşkilatçıların işinin öhdəsindən gələyinə əminəm. Ölkəniz Avropa çempionatını yüksək səviyyədə təşkil edəcək”.

"Layihə AFFA yanında Media Komitəsi tərəfindən maliyyələşdirilir"