AVRO-2016: 180 jurnalist qeydiyyatdan keçdi

UEFA U-17 Avropa çempionatı Azərbaycan-2016-nın jurnalistlər üçün akkreditasiya qeydiyyatı başa çatıb. UEFA U-17 AÇ Azərbaycan-2016-nın Yerli təşkilat komitəsinin media rəhbəri Firuz Abdullanın Futbolxeber.az saytına verdiyi məlumata görə, qitə birincliyini işıqlandırmaq üçün 180 KİV nümayəndəsi qeydiyyatdan keçib. Onlardan 168-si yerli, 12-si əcnəbidir. Əcnəbi jurnalistlər 7 ölkəni - Portuqaliya, Şotlandiya, Bosniya və Hersoqovina, İsveç, İspaniya, Danimarka və Almaniya təmsil edirlər.

Qeydiyyat üçün müddət bitsə də, daha 2 xarici jurnalistə akkreditasiya verilə bilər. Firuz Abdulla qeyd edib ki, yerli jurnalistlədən fərqli olaraq, əcnəbi media nümayəndələrindən qeydiyyat zamanı pasport və iş vəsiqəsinin elektron nüsxəsi də tələb olunur. 2 nəfər isə iş vəsiqələrinin nüsxəsini hələ ki göndərməyib. Boşluq aradan qaldırılsa, onlara da akkreditasiya veriləcək. 

"Layihə AFFA yanında Media Komitəsi tərəfindən maliyyələşdirilir"