“Tvente” “Qarabağ”dan oyundan öncə qələbə qazandı

“Qarabağ”ın UEFA Konfrans Liqasının pley-off mərhələsindəki rəqibi “Tvente” Niderland çempionatında növbəti oyununa çıxıb.

Futbolxeber.az saytının məlumatına görə, Enshede təmsilçisi ikinci turun doğma meydanda “Zvolle”ni 3:1 hesabı ilə məğlub edib.

Bu nəticədən sonra mövsümdə ilk 3 xalını qazanan "Tvente" turnir cədvəlində 11-ci pillədə qərarlaşıb.

Xatırladaq ki, “Tvente” ilə “Qarabağ”arasında ilk oyun avqustun 20-də, Enshededəki “De Qrolsch Veste” stadionunda keçiriləcək. Cavab matçı isə avqustun 27-də Bakıda olacaq.