Ronaldo: “Balotellinin şəxsi həyatına yox, oyununa qiymət verin”

“Real”ın hücumçusu Kriştianu Ronaldo “Milan”ın və İtaliya yığmasının forvardı Mario Balotelli haqda danışıb. Futbolxeber.az-ın məlumatına görə, portuqaliyalı ulduz SuperMarionun şəxsi həyatı haqda danışmağın düzgün olmadığını bildirib: “Mən Marionu şəxsən tanıməram. Onun meydandan kənarda nə ilə məşğul olması məni qətiyyən maraqlandırmır. Şəxsi fikrim belədir ki, Balotelli çox güclü futbolçudur. O, həm “Milan”da, həm də İtaluya yığmasında özünü çox yaxşı tərəfdən göstərir. İnsanlara məsləhət verərdim ki, onun şəxsi həyatına deyil, meydandakı oyununa qiymət versinlər. Çünki Balotellinin şəxsi həyatının heç kimə aidiyyatı yoxdur”.

“A” seriyasındakı sevimli futbolçunuz hansıdır” sualını isə Ronaldo belə cavablandırıb: “Sözün açığı, mən İtaliya “A” seriyasını yaxından izləmirəm. Ona görə də dəqiq bir söz deyə bilmərəm”.