“Neftçi”nin hücumçusu Afrika Millətlər Kubokundan kənarda qaldı

"Neftçi"nin ulduz futbolçusu Vensan Abubakar Afrika Millətlər Kuboku üçün Kamerun millisinə çağırılmayıb. 33 yaşlı forvard Afrikanın ən böyük futbol turnirində iştirak etməyəcək.

Futbolxeber.az saytının məlumatına görə, Abubakardan başqa, “Trabzonspor”da icarə əsasında çıxış edən “Mançester Yunayted”in qapıçısı Andre Onana da millidən kənarda qalıb.

Afrika Millətlər Kuboku 21 dekabr - 18 yanvar tarixləri arasında Mərakeşdə keçiriləcək.

Qeyd edək ki, Kamerun millisi turnirin qrup mərhələsində Qabon, Fildişi sahili və Mozambik komandaları ilə qarşılaşacaq.

Əlavə edək ki, Abubakar kapitanı olduğu Kamerun millisinə 2010-cu ildən çağırılır. O, yığmada 116 oyuna çıxıb və 45 qol vurub.