“Traktor”dan ÇL-də növbəti qələbə

"Traktor" Asiya Çempionlar Liqasının əsas mərhələsində 4-cü tur oyununa çıxıb.

Fubtolxeber.az saytının məlumatına görə, Təbriz təmsilçisi öz meydanında İraqın “Əl-Şorta” klubu ilə qarşılaşıb.

Görüş “Traktor”un qələbəsi ilə yekunlaşıb - 1:0. Oyunda yeganə qolu 26-cı dəqiqədə Mehdi Torabi vurub.

Ardıcıl ikinci qələbəsini qazanan “Traktor” 8 xalla turnir cədvəlində 3-cü pilləyə yüksəlib. "Al-qurdlar" lider "Əl-Vahda"dan (BƏƏ) 2 xal geri qalır.

Xatırladaq ki, yarışda ümumilikdə 12 komanda mübarizə aparır.