AFFA-nın danışıqlar apardığı futbolçu Rusiya millisində

Moskva "Dinamo"sunun formasını geyinən, əslən azərbaycanlı futbolçu Ülvi Babayev Rusiyanın U-21 yığmasına dəvət alıb.

Futbolxeber.az saytının məlumatına görə, bu barədə paytaxt klubunun mətbuat xidməti açıqlama yayıb.

21 yaşlı hücumçunun adı 38 oyunçudan ibarət geniş heyətinə daxil edilib.

Rusiya millisi noyabrın 12-də, 15-də və 18-də müvafiq olaraq İran, Qırğızıstan və Bəhreynin U-23 komandası ilə üz-üzə gələcək.

Qeyd edək ki, AFFA Ülvi Babayevin Azərbaycan millisinə cəlb olunması üçün danışıqlar aparırdı.