Əlcəzair millisi DÇ-2026-nın 20-ci iştirakçısı oldu

DÇ-2026-nın daha bir iştirakçısı müəyyənləşib.

Futbolxeber.az saytının məlumatına görə, Afrika zonası üzrə seçmə mərhələsinin 9-cu turu çərçivəsində Əlcəzair səfərdə Somalini 3:0 hesabı ilə məğlub edib.

Bu nəticə ilə xallarının sayını 22-ə çatdıran Əlcəzair yığması sona 1 tur qalmış qrup liderliyini və mundiala vəsiqəni təmin edib. Komanda ikinci pillədə qərarlaşan Uqandanı 4 xal qabaqlayır.  

Bununla da, Əlcəzair millisi DÇ-2026-nın 20-ci iştirakçısı olub. Daha əvvəl ABŞ, Meksika, Kanada (hər üçü ev sahibi), Yaponiya, İran, Cənubi Koreya, İordaniya, Özbəkistan, Avstraliya, Mərakeş, Tunis, Misir, Argentina, Ekvador, Braziliya, Uruqvay, Paraqvay, Kolumbiya və Yeni Zelandiya milliləri mundiala vəsiqəni rəsmiləşdiriblər.

Xatırladaq ki, DÇ-2026-da ilk dəfə 48 milli komanda mübarizə aparacaq.