“Everton”un futbolçusu: “Azərbaycanı mütləq udmalıyıq”

Ukrayna millisinin futbolçusu Vitali Mikolenko komandasının DÇ-2026-nın D qrupundakı vəziyyəti ilə bağlı fikirlərini bölüşüb.

Futbolxeber.az saytının məlumatına görə, İngiltərənin "Everton" klubunun 26 yaşlı müdafiəçisi Ukrayna mediasına müsahibəsində deyib:

"Qrupun favoriti Fransadır. Bu, onsuz da aydındır. Və var üç komanda. Azərbaycanla biz səfərdə 1:1 oynamışıq və indi qarşıdakı 4 oyunun hər birində qələbə qazanmalıyıq. İslandiya və Azərbaycanla matçlar ikinci yer uğrunda bizə rəqib olan komandalarla oyunlardır və biz onları mütləq udmalıyıq. Ancaq bu yolla nəticə əldə edə bilərik".

Xatırladaq ki, DÇ-2026-nın Ukrayna - Azərbaycan matçı oktyabrın 13-də Polşanın Krakov şəhərində keçiriləcək.