“Kopenhagen” Bakıya qələbə ilə gəlir

Danimarka çempionatında 10-cu turun oyunları keçirilir.

Futbolxeber.az saytının məlumatına görə, UEFA Çempionlar Liqasının Liqa mərhələsində “Qarabağ”ın növbəti rəqibi olan “Kopanhagen” səfərdə “Sondreysk”in qonağı olub.

Matç “Kopenhagen”in 2:1 hesablı qələbəsi ilə başa çatıb. Paytaxt təmsilçisinin heyətində braziliyalı hücumçu Robert dubl edib.

Bu qələbə sayəsində xallarının sayını 20-ə çatdıran “Kopenhagen” liderliyə yüksəlib.

Xatırladaq ki, “Qarabağ” və “Kopenhagen” oktyabrın 1-də Bakıda üz-üzə gələcəklər. Tofiq Bəhramov adına Respublika stadionunda keçiriləcək görüş 20:45-də start götürəcək.