"Araz-Naxçıvan"ın qapıçısı Haalandla söhbətindən danışdı

Moldova millisinin üzvü olan "Araz-Naxçıvan"ın qapıçısı Kristian Avram DÇ-2026-nın seçmə mərhələsində Norveçlə keçirdikləri oyunla bağlı fikirlərini bildirib.

Futbolxeber.az saytının məlumatına görə, o, 1:11 hesabı ilə uduzduqları oyundan sonra Norveçin TV2 telekanalına açıqlama verib.

Avram əvvəlcə qapısından 5 top keçirən rəqibin ulduz futbolçusu Erlinq Haalndla dialoqundan danışıb: "Mən Erlinqlə danışdım. Dedi ki, bu, onun günahı deyil. Sadəcə top fərqinə görə qol vurmağa davam etməli olduğunu söylədi. Mən onu başa düşürəm".

"11 qol buraxmaq necə hissdir" sualına isə Avram belə cavab verib: "Nə deyim? Ölməyəcəm. Güclü qalmalıyam. Bir neçə gündən sonra daha bir matçımız var. Amma 11 qol çox şeydir".

Qeyd edək ki, 5 oyunun hamısında uduzan Moldova millisi İ qrupunda sonuncudur. Norveç yığması isə 5 oyundan 15 xalla liderdir.