“Fənərbaxça” yeni baş məşqçisi ilə 2 illik müqavilə imzalayacaq

“Fənərbaxça”nın yeni baş məşqçisi dəqiqləşib.

Futbolxeber.az saytının məlumatına görə, komandanı Domeniko Tedesko çalışdıracaq.

Bu barədə insayder Nikolo Skira məlumat yayıb. O bildirib ki, 39 yaşlı mütəxəssisilə 2 illik müqavilə imzalanacaq.

Tedesko bu vəzifədə istefaya göndərilən Joze Mourinyonu əvəzləyəcək.

Qeyd edək ki, almaniyalı çalışdırıcısı son olaraq Belçika yığmasının baş məşqçisi olub. O, "Şalke", "Spartak" (Moskva) və "Leyptsiq"i də çalışdırıb.