Qazaxıstan millisinin baş məşqçisi istefa verib

Qazaxıstan millisinin baş məşqçisi Əli Əliyev isefa verib.

Futbolxeber.az saytının məlumatına görə, mütəxəssis DÇ-2026-nın seçmə mərhələsində səfərdə Belçikaya 0:6 hesabı ilə uduzduqları oyundan sonra qərarını açıqlayıb.

"Baş verənlərin hamısı mənim günahımdır. Məsuliyyəti tam üzərimə götürürəm. Qazaxıstana qayıdan kimi federasiya prezidentini məlumatlandıracağam", - deyə o bildirib.

Qeyd edək ki, Əli Əliyev bu ilin yanvarında Stanislav Çerçesovu əvəzləyərək, Qazaxıstan millisinə baş məşqçi təyin edilmişdi. Onun komandası J qrupundakı 5 matç keçirib, 4 məğlubiyyətlə üzləşib 1 qələbə qazanaraq 3 xalla 4-cü yeri tutur.