“Milan”ın futbolçuları meydana analarının familiyaları yazılan formalarla çıxacaqlar

“Milan”ın futbolçuları bu gün A seriyasının 36-cı turunda “Bolonya”ya qarşı keçiriləcək matça xüsusi formalarla çıxacaqlar.

Futbolxeber.az saytının məlumatına görə, bu barədə klubun mətbuat xidməti açıqlama yayıb.

Qeyd olunub ki, futbolçular meydana analarının qızlıq familiyası yazılan formalarla çıxacaqlar. Bu təşəbbüs təsadüfi deyil. Belə ki, İtaliyada mayın ikinci bazar günü Analar günü qeyd olunur.

Familiyalar təkcə oyunçuların köynəklərində deyil, həm də start heyəti açıqlananda və “San Siro” stadionunda ekranlarda görünəcək.

Xatırladaq ki, bu gün keçiriləcək “Milan” - “Bolonya” matçı Bakı vaxtı ilə 22:45-də start götürəcək.