Renatın məhsuldar ötürməsi kifayət etmədi

Azərbaycan millisinin üzvləri Rahil Məmmədov və Renat Dadaşovun formasını geydiyi “Radomiak” Polşa Ekstraklasasında 28-ci tur oyununa çıxıb.

Futbolxeber.az saytının məlumatına görə, komanda səfərdə “Rakov”un qonağı olub. Görüş "Radomiak"ın 1:2 hesablı məğubiyyəti ilə başa çatıb.

Rahil bu görüşün iştirak ərizəsində yer almayıb.

Meydana start heyətində çıxan Renat isə 76-cı dəqiqədə Pedro Perotti ilə əvəzlənib.

Matçın 45+1-ci dəqiqəsində sarı vərəqə ilə cəzalanan millimizin hücumçusu ikinci hissədə məhsuldar ötürmə müəllifi olub. 52-ci dəqiqədə Dadaşovun ötürməsindən sonra Rafal Volski “Radomiak”ı hesabda önə keçirib. Lakin qonaqların sevinci çox çəkməyib. 12 dəqiqəyə 2 qol vuran “Rakov” qələbə qazanıb.

Qeyd edək ki, “Radomiak” hazırda turnir cədvəlində 34 xalla 13-cüdür. “Rakov” isə 59 xalla vahid liderdir.