Ozan Can üçün 5 dəqiqə

Azərbaycan millisinin üzvü Ozan Can Kökçünün də formasını geyindiyi “Helsinki” Finlandiya çempionatında yeni mövsümün ilk turun oyununa çıxıb.

Futbolxeber.az saytının məlumatına görə, komanda səfərdə “İlves” ilə qarşılaşıb.

Ozan Can da bu qarşılaşmada iştirak edib. Matça ehtiyatdan başlayan millimizin üzvü 85-ci dəqiqədə Alexander Rinqin əvəzinə meydana çıxıb.

Görüş “Helsinki”nin 2:3 hesablı məğlubiyyəti ilə başa çatıb. Matça fəal başlayan Ozan Canın komandası artıq 14-cü dəqiqədə Santeri Hostikkanın dublu ilə 2:0 hesabı ilə önə keçsə də, sonradan qapısında 3 qol görməklə mövsümə məğlubiyyətlə başlayıb.