Qələbə qolunu Juninyo vurdu

Cənubi Amerikada Libertadores Kubokunun qrup mərhələsinə start verilib.

Futbolxeber.az saytının məlumatına görə, Braziliyanın “Flamenqo” komandası ilk turda səfərdə Venesuela təmsilçisi “Deportivo Taçira” ilə qarşılaşıb.

Braziliya klubu 1:0 hesabı ilə qələbə qazanıb.

Hazırda “Flamenqo”da oynayan “Qarabağ”ın “sabiq hücumçusu Juninyo ehtiyat heyətdə yer alıb. O, 56-cı dəqiqədə Mayklın əvəzinə oyuna daxil olub, cəmi 1 dəqiqə sonra - 57-ci dəqiqədə matçdakı yeganə qolu vurub.

Juninyo matçın ən yaxşı oyunçusu seçilib və xüsusi mükafata layiq görülüb.

Qeyd edək ki, bu, onun “Flamenqo” ilə bu mövsüm bütün turnirlərdə 3-cü qolu olub (11 oyuna).