Lisakoviç Azərbaycanla oyundan danışdı: “Hamı xoşbəxtdir”

Belarus millisinin hücumçusu Vitali Lisakoviç Azərbaycana 2:0 hesabı ilə qalib gəldikləri yoxlama oyunu barədə danışıb.

Futbolxeber.az saytının məlumatına görə, sport5.by portalına açıqlamasında 27 yaşlı futbolçu Bakıdakı qələbəni belə şərh edib:

“Ölkəmi qələbə münasibətilə təbrik etmək istəyirəm! Belə stadion, belə meydan olanda birləşmək, əlaqələr qurmaq imkanı yaranır. Mən bundan hədsiz həzz alıram! Bu il millidə ikinci oyunumu keçirdim. Düşünürəm ki, bizim üçün hər şey yaxşı olacaq. Hamı xoşbəxtdir, hamı razıdır. İki oyunda iki qələbə qazandıq. Daha çox qol vura bilərdik, amma əsas odur ki, qalib gəldik. İki oyunu da bəyəndim, zövq aldım".

Qeyd edək ki, Lisakoviç Azərbaycana qarşı görüşdə 90 dəqiqə meydanda olub.