Dadaşov dubl etdi

Almaniyada Şimal-Şərq Regional Liqasında 26-cı turun oyunları keçirilib.

Futbolxeber.az saytının məlumatına görə, Azərbaycan millisinin sabiq hücumçusu Rüfət Dadaşovun çıxış etdiyi Berlin “Dinamo”su səfərdə “Zehlendorf”a qalib gəlib - 5:3.

Oyunun 43-cü dəqiqəsinə qədər hesabda 1:3 geridə olan Berlin təmsilçisi sonradan 4 qol vuraraq qələbə qazanıb.

Dadaşov bu oyunda dubl edib. 3-cü dəqiqədə hesabı açan 33 yaşlı forvard 75-ci dəqiqədə 4-cü qolu vurub. Rüfət bu mövsüm çempionatda vurduğu qolların sayının 11-ə çatdırıb. O, Berlin kubokunda isə 4 dəfə rəqib qapısına yol tapıb.

"Dinamo" hazırda 40 xalla 6-cı pillədə qərarlaşıb.