İran millisi DÇ-2026-ya vəsiqə qazandı

İran millisi 2026-cı il dünya çempionatının final mərhələsinə vəsiqəni təmin edib.

Futbolxeber.az saytının məlumatına görə, komanda DÇ-2026-nın Asiya zonası üzrə seçmə mərhələsinin 8-ci turu çərçivəsində Özbəkistanla qarşılaşıb. Oyun 2:2 hesabı ilə yekunlaşıb.

1-ci qrupda yer alan İran millisi seçmə mərhələnin başa çatmasına 2 tur qalmış 20 xal toplayıb və liderdir. Reqlamentə əsasən, hər qrupdan ilk 2 yeri tutan komandalar mundiala birbaşa vəsiqə qazanacaqlar. BƏƏ 7 turdan sonra 13 xalla 3-cü yerdədir. Sözügedən komanda istənilən halda qrupda İran yığmasını ötə bilməyəcək. Beləliklə, qonşu ölkənin yığmasının DÇ-2026-nın final mərhələsində mübarizə aparacağı dəqiqləşib.

17 xalla 2-ci pillədə qərarlaşan Özbəkistan isə hələ də vəsiqə şansını qoruyur.

Daha əvvəl Yaponiya və Yeni Zelandiya mundiala vəsiqə qazanıb. ABŞ, Meksika və Kanada isə ev sahibləri kimi turnirin final mərhələsində yarışacaqlar.

Qeyd edək ki, 2026-cı il dünya çempionatı 48 komandanın iştirakı ilə keçiriləcək.