“Neftçi”nin sabiq baş məşqçisindən gözlənilməz ayrılıq

“Neftçi”nin sabiq baş məşqçisi Laurentsiu Regekampf klubsuz qalıb.

Futbolxeber.az saytının məlumatına görə, rumıniyalı mütəxəssis gözlənilmədən Tunisin “Esperance de Tunis” klubundan ayrılıb.

Komanda ölkə çempionatında lider olduğundan, eləcə də Afrika Çempionlar Liqasında 1/4 finala adladığından Regekampfın istefası gözlənilməz hesab olunur. Hələlik ayrılığın səbəbi qeyri-müəyyəndir.

Qeyd edək ki, Laurentsiu Regekampf “Esperance de Tunis”i ötən ildən çalışdırırdı.

Əlavə edək ki, rumın mütəxəssis 2022-23 mövsümündə “Neftçi”nin baş məşqçisi olub.