Kloze: “Mahir derbiyə hazırlaşır”

“Nürnberq”in baş məşqçisi Miroslav Kloze futbolçusu, Azərbaycan millisinin üzvü Mahir Emreli haqqında danışıb.

Futbolxeber.az saytının “Bild”ə istinadən verdiyi məlumata görə, o, 27 yaşlı hücumçunun "Qroyter Fürt"lə qarşıdakı derbiyə hazırlaşdığını deyib.

Mütəxəssis Mahirə məhz bu səbəbdən “Preussen”lə son görüşdə (1:0) istirahət verdiyini bildirib:

"Uzun söhbətdən sonra Mahirlə birlikdə belə qərar qəbul etdim. Mən matçlar zamanı meydanda gücünün 100 faizini ortaya qoymağını istəyirəm. "Qroyter Fürt"la görüş də belə oyunlardan biri olacaq. Ona görə də Mahir artıq derbiyə hazırlaşıb. Biz indi Mahirin məşqlərdəki performansını da izləməliyik. Amma mən optimistəm”.

Qeyd edək ki, Mahir Emreli komandasının son 7 oyunundan 5-də meydana çıxmayıb. O, bu görüşlərdən 3-də isə ümumiyyətlə, iştirak ərizəsində yer almayıb.