Diniyev oynadı, komandası qələbə qazandı

Azərbaycan millisinin yarımmüdafiəçisi Coşqun Diniyev Türkiyə 1-ci Liqasında növbəti oyununa çıxıb.

Futbolxeber.az saytının məlumatına görə, həmyerlimizin çıxış etdiyi "Çorum" 29-cu tur çərçivəsində səfərdə "Gençlerbirliği" ilə qarşılaşıb.

Oyun qonaqların 2:1 hesablı qələbəsi ilə yekunlaşıb.

Coşqun da bu görüşün iştirakçısı olub. O, bu matça əsas heyətdə çıxıb və sona qədər meydanda olub.

Qeyd edək ki, "Çorum" turnir cədvəlində 42 xalla 8-ci yerdədir. "Gençlerbirliği" isə 48 xalla ikincidir.