Millimizin sabiq qapıçısı Qırğızıstan klubunda

Azərbaycanın müxtəlif yaş qrupları üzrə milli komandaların çıxış etmiş Andrey Popoviçin yeni komandası bəlli olub.

Futbolxeber.az saytının məlumatına görə, 33 yaşlı qapıçı karyerasını Qırğızıstanda davam etdirəcək.

Ukraynalı qolkiper "Qırğızaltın" klubu ilə 1 illik müqavilə imzalayıb. Komanda Qırğızıstan çempionatında 27 turdan sonra 20 xalla sonuncu - 10-cu yerdədir.

Qeyd edək ki, Andrey Popoviç Azərbaycanın U-17, U-19, U-21 və əsas millisinin üzvü olub. O, ölkəmizdə "Abşeron", "Bakı", "Turan", "Qəbələ" və "Sumqayıt" klubunda çıxış edib. O, son olaraq Ukraynanın "Xust" klubunda oynayıb.