“Barselona” italiyalı hücumçu ilə razılığa gəldi

“Barselona” “Yuventus”un hücumçusu Federiko Kyezanı transfer etmək üzrədir.

Futbolxeber.az saytının məlumatına görə, Kataloniya klubu italiyalı forvardla şəxsi müqaviləsinin detallarını razılaşdırıb. Belə ki, Kyeza “Barselona” ilə 3 illik sözləşməyə imza atacaq. Onun yeni iş yerindəki illik qazancı 4 milyon avro + ümumilikdə 2 milyon avro bonus olacaq.

“Barselona” “Yuventus”a isə 13 milyon avro təklif edib.

Qeyd edək ki, Kyeza Turin klubunun heyətində 2020-ci ilin oktyabrından çıxış edir. Onun “Qoca Sinyora” ilə müqaviləsi gələn yay başa çatır. Son mövsümdə italiyalı forvard 37 matçda 10 qol, 3 məhsuldar ötürmə ilə yadda qalıb.