"Qarabağ"la oyundan öncə darmadağın

"Qarabağ"ın Çempionlar Liqasının 3-cü təsnifat mərhələsindəki rəqibi "Lüdoqorets" Bolqarıstan çempionatında 3-cü tur oyununa çıxıb.

Futbolxeber.az saytının məlumatına görə, komanda Azərbaycan millisinin müdafiəçisi Cəlal Hüseynovun formasını geyindiyi "Arda"nı qəbul edib. Matç meydan sahiblərinin 5:1  hesablı qələbəsi ilə başa çatıb.

C.Hüseynov sözügedən görüşdə 90 dəqiqə meydanda olub və 37-ci dəqiqədə sarı vərəqə ilə cəzalandırılıb.

"Lüdoqorets" 2 oyundan 6 xalla 3-cü, "Arda" 3 matçdan 3 xalla 8-ci pillədə qərarlaşıb.