"Balotelli Avro-2012-də bizim axırımıza çıxdı"

Almaniya millisinin müdafiəçisi Cerom Boatenq İtaliya yığmasına qarşı keçirəcəkləri yoxlama oyunu haqda danışıb. Futbolxeber.az-ın məlumatına görə, Boatenq "Skuadra Adzurra"nın əsas hücumçusu Mario Balotelli ilə bağlı da fikirlərini bölüşüb: "Balotelli Avro-2012-də bizim axırımıza çıxdı. Amma bu o demək deyil ki, biz ondan qorxmalıyıq. Bəli, Mario dünyadakı ən yaxşı hücumçulardan biridir. O, 100 faiz hazır olanda qarşısını kəsmək çətin olur. Bu, həm mənim, həm də komanda yoldaşlarım üçün yaxşı sınaq olacaq. Yoxlama oyunu olsa da, İtaliyanı məğlub etməyə çalışacağıq. Qarşıdakı DÇ-də onlar bizim əsas rəqiblərimizdən biri olacaq".