Droqba “Onun 19 yaşı olmasına inanmıram”

“Qalatasaray”ın hücumçusu Didye Droqba “Real”ın fransız müdafiəçisi Rafael Varan haqqında danışıb. Futbolxeber.az-ın məlumatına görə, Droqba Çempionlar Liqasının ötən turunda “Real” və “Qalatasaray” arasında keçirilən 1/4 final görüşündə “Cim-Bom”un hücumçularına əməlli-başlı baş ağrısı olan gənc futbolçuya təriflər yağdırıb: “O, indiyə qədər qarşıma çıxan ən güclü müdafiəçilərdən biridi. Onun həqiqətən də 19 yaşı olmasına inanmıram”.

Qeyd edək ki, “Qalatasaray”a qarşı oyunda 90 dəqiqə meydanda olan Rafael Varanın qiyməti 20 milyon avro dəyərindədir. Futbolçunun “Real”la olan müqaviləsinin müddəti 2017-ci ilə qədərdir.