“Qalatasaray”ın müdafiəçisi: “Bu, çox qəribə oyun idi”

“Qalatasaray”ın müdafiəçisi Viktor Nelsson UEFA Çempionlar Liqasının qrup mərhələsinin ilk turu çərçivəsində dünən “Kopenhagen”ə qarşı keçirdikləri oyundan (2:2) danışıb.

Futbolxeber.az saytının məlumatına görə, danimarkalı müdafiəçi bəxtlərinin gətirmədiyini bildirib:

“Bu, çox qəribə oyun idi. Bəxt bir qədər bizim tərəfdə olsaydı, görüşün ilk yarım saatında 2-3 qol vurardıq. Başa düşürəm ki, “Kopenhagen” qələbəni əldən verdiyi üçün məyusdu. Lakin biz də nəticədən məmnun deyilik. Çünki daha tez geridönüş edə bilərdik. Lakin ümumi götürdükdə heç-heçə normal nəticədi”.