“Qarabağ”ın yarımmüdafiəçisi Bolqarıstan üzərində qələbəyə sevindi

Avro-2024-ün seçmə mərhələ oyunları davam edir.

Futbolxeber.az saytının məlumatına görə, G qrupunda yer alan Monteneqro millisi öz meydanında Bolqarıstanı qəbul edib.

Monteneqro yığma komandasının start heyətində yer alan “Qarabağ”ın yarımmüdafiəçisi Marko Yankoviç 84-cü dəqiqədə adaşı Vukçeviçlə əvəzlənib.

Görüş Monteneqro yığmasının 2:1 hesablı qələbəsi ilə başa çatıb. Balkan təmsilçisi 59-cu dəqiqədə azlıqda qalsa da, 90+7-ci dəqiqədə vurduğu qolla 2:1 hesablı qələbə qazanıb.

Bu qələbə sayəsində xallarının sayını 8-ə çatdıran Monteneqro millisi qrupda ikinci pilləyə yüksəlib. 1 oyun az keçirən Macarıstan 10 xalla birinci, Serbiya millisi isə 7 xalla üçüncüdü.