Pulişiç “Milan”dakı ilk ayını dəyərləndirdi

“Milan”ın vingeri Kristian Pulişiç klubdakı ilk ayını dəyərləndirib.

Futbolxeber.az saytının məlumatına görə, bu yay “Çelsi”dən 20 milyon avroya transfer olunan amerikalı futbolçu yeni klubunda xoşbəxt olduğunu bildirib:

“Bu, karyeramda yenilik etmək üçün əla fürsət idi. “Milan”da özümü xoşbəxt sayıram. İlk ay çox yaxşı keçdi. İndi əsas məsələ bu tempdə də davam etməkdi. Gələcəyə optimist yanaşıram”.

Qeyd edək ki, 24 yaşlı futbolçu avqustda “Milan”ın heyətində keçirdiyi 3 oyunda 2 qol vurub və A seriyasında komandasının ən yaxşı oyunçusu seçilib.