Millinin 43 yaşlı bombardiri karyerasını başa vurur

Andorra millisinin müdafiəçisi İldefons Lima karyerasını başa vurur.

Futbolxeber.az saytının məlumatına görə, bu barədə 43 yaşlı futbolçu sosial şəbəkə hesabında paylaşım edib.

Dünən Avro-2024-ün seçmə mərhələsində Belarusa qarşı keçirilən oyunun (0:0) 90+4-cü dəqiqəsində meydana çıxan Lima 136-cı dəfə millinin formasını geyib.

Təcrübəli müdafiəçi bildirib ki, sentyabrın 12-də İsveçrəyə qarşı keçiriləcək matç onun yığmadakı son görüşü olacaq.

1997-ci ildə Andorra yığmasında debüt edən Lima 26 il ərzində 136 matçda 11 qol vurub. Bu nəticə ilə o, Andorra millisinin tarixində ən yaxşı bombardirdi.