“Monako”nun hücumçusu həbs olunub

“Monako”nun hücumçusu Vissam Ben Yedder həbs olunub.

Futbolxeber.az saytının “Nice-Matin”ə istinadən verdiyi məlumata görə, 32 yaşlı futbolçu cinsi zorakılıqda günahlandırılır.

Nitsa məhkəməsində Ben Yedder “zorlama, zorlamaya cəhd və şiddətli seksual xarakterli hərəkətlər”də ittiham edilir.

Bildirilir ki, futbolçu 900 min avro girov müqabilində zaminə buraxıla bilər.

“Monako”nun futbolçusu ilə yanaşı, onun qardaşı da eyni maddələrlə günahlandırılır.

Qeyd edək ki, adı açıqlanmayan 19 və 20 yaşlı iki xanım iyulun 13-də Ben Yedderdən Nitsa polisinə şikayət ediblər. Onlar futbolçu və qardaşı tərəfindən ziyafətlərin birində zorlandıqlarını iddia edirlər.