“Mançester Yunayted”in sabiq yarımmüdafiəçisi karyerasını bitirdi

“Mançester Yunayted”in sabiq yarımmüdafiəçisi Tom Kleverli futbolçu karyerasını bitirib.

Futbolxeber.az saytının xarici KİV-ə istinadən verdiyi məlumata görə, 33 yaşlı futbolçu zədələr səbəbindən belə qərar qəbul etmək məcburiyyətində qalıb.

Kleverli tezliklə məşqçiliyə başlamaq istəyir. O, 2017-ci ildən 2023-cü ilə kimi formasını geydiyi “Uotford”da yeni sahədə ilk addımlarını atacaq.

Qeyd edək ki, Tom Kleverli karyerası ərzində “Mançester Yunayted” və “Uotford”dan başqa, “Lester”, “Uiqan”, “Everton” və “Aston Villa”da çıxış edib.

Futbolxeber.az-ın teleqram kanalına abunə olun