Kaştru “Botafoqo”dan getdi

Luiş Kaştru “Botafoqo”nun baş məşqçisi vəzifəsindən ayrılıb.

Futbolxeber.az saytının məlumatına görə, portuqaliya mütəxəssisin gedişi ilə bağlı Braziliya klubu tərəfindən yayılan açıqlamada deyilir:

“Cümə günü Luiş Kaştru karyerasını başqa klubda davam etdirmək istəməsi barədə “Botafoqo” rəhbərliyini məlumatlandırdı. Bugünə qədərki fəaliyyətinə görə klub o və ümumilikdə məşqçilər korpusuna təşəkkür edir və gələcək karyeralarında uğurlar arzulayır”.

Qeyd edək ki, bu günlərdə məlum olub ki, Kaştru karyerasını “Əl-Nəsr”də davam etdirəcək. Həmyerlisi Kriştianu Ronaldo 61 yaşlı mütəxəssisi Səudiyyə Ərəbistanı klubunu çalışdırmağa razı salıb.

Futbolxeber.az-ın teleqram kanalına abunə olun