“İnter” “Mançester Yunayted”in Onana ilə maraqlandığını təsdiqlədi

“İnter”in baş direktoru Cuzeppe Moratta “Mançester Yunayted”in Andre Onana ilə maraqlandığını təsdiqləyib.

Futbolxeber.az saytının İtaliya mətbuatına istinadən verdiyi məlumata görə, funksioner hələlik İngiltərə təmsilçisindən rəsmi təklif almadıqlarını bildirib:

“Mançester Yunayted” Onana ilə yaxından maraqlanır. Qarşıdakı günlərdə klubdan bizə rəsmi təklif gələ bilər. Daha sonra biz futbolçu ilə birgə təklifi necə cavablandıracağımızı müzakirə edəcəyik”.

Daha əvvəl “Mançester Yunayted”in Onana üçün “İnter”ə 50 milyon təklif edəcəyi barədə xəbərlər yayılıb.  

Qeyd edək ki, afrikalı qapıçı son mövsüm 41 matçda 36 dəfə məyus olub, 19 görüşdə qapısını toxunulmaz saxlayıb.

Futbolxeber.az-ın teleqram kanalına abunə olun