Ançelotti gələn ildən Braziliya millisini çalışdıracaq

“Real”ın baş məşqçisi Karlo Ançelotti gələn ildən Braziliya millisini çalışdıracaq.

Futbolxeber.az saytının məlumatına görə, bu iddia ilə “Globo” nəşri çıxış edib.

Bildirilib ki, təyinat barədə qərar Braziliya Futbol Assosiasiyasının prezidenti Ednaldo Fernandeslə italiyalı mütəxəssisin görüşündən sonra qəbul olunub.

Məlumatda qeyd olunub ki, Ançelotti “Real”la 2024-cü ilin yayında başa çatan müqaviləsini yeniləməyəcək.

Xatırladaq ki, Braziliya millisini son olaraq Tite çalışdırıb. 61 yaşlı mütəxəssis DÇ-2022-nin 1/4 finalında Xorvatiyadan alınan məğlubiyyətdən sonra vəzifəsindən ayrılıb.

Futbolxeber.az-ın teleqram kanalına abunə olun