5 Aprel 2025, Şənbə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Xarici futbol

Emreli "Dinamo"nun düşərgəsinə nə vaxt qoşulacaq?

Millimizin üzvü Mahir Emrelinin "Dinamo"nun yay təlim-məşq toplanışına qoşulacağı tarix müəyyənləşib.

Futbolxeber.az-ın index.hr saytına istinadən verdiyi məlumata görə, 25 yaşlı hücumçu iyunun 25-də Xorvatiya təmsilçisinin düşərgəsində olacaq.

"Dinamo" bu gün yay təlim-məşq toplanışına başlayıb. M.Emreli millimizin Avro-2024-ün seçmə mərhələsində iyunun 17-də keçirilən Estoniya ilə oyunu ilə əlaqədar Zaqreb klubunun bazasına iyunun 25-də qayıdacaq.

Qeyd edək ki, komandanın baş məşqçisi İqor Bişçan Mahir də daxil olmaqla bəzi futbolçuların yay təlim-məşq toplanışındakı çalışmalarına diqqət yetirəcək. Bundan sonra klub onları icarəyə göndərib-göndərməyəcəyinə qərar verəcək.

Xatırladaq ki, M.Emreli bu ilin fevral ayından mövsümün sonunadək icarə əsasında “Konyaspor”da oynayıb. Onun Zaqreb təmsilçisi ilə müqaviləsi 2026-cı ilin yayına qədərdir.

Əlavə edək ki, "Dinamo" iyulun 7-də Sloveniyaya gedəcək. Komanda orada "Koper" (Sloveniya), ÇSKA (Bolqarıstan) və hələ adı açıqlanmayan daha bir klubla yoxlama oyunu keçirəcək.

Futbolxeber.az-ın teleqram kanalına abunə olun 

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30