Kerjakov: "Biz, əsl patriotlar üçün oynayırıq"

Rusiya millisinin hücumçusu Aleksandr Kerjakov DÇ-2014-ə vəsiqə qazanmalarına münasibət bildirib. Futbolxeber.az-ın məlumatına görə, 30 yaşlı futbolçu mundialda da uğur qazanmaq üçün əllərindən gələni edəcəklərini bildirib: "Biz rusları xoşbəxt etdik - əsas olan budur. Xalq millinin dünya çempionatına vəsiqə qazanmasını 12 il idi gözləyirdi. İnanıram ki, mundialda da biz ümidləri doğruldacağıq. Yəqin ki, bizim uğurumuza sevinməyənlər də var. Amma biz, əsl patriotlar üçün oynayırıq. Hansı ki həmin insanları ölkəsi düşündürür. Biz özümüz də beləyik, biz də azarkeşik və istəyirik ki, Rusiya daim qələbə qazansın. Dünya çempionatına vəsiqə qazanmaq xüsusən də 30 yaşlı futbolçu üçün çox vacibdir. Amma indidən qarşıdakı mundialın karyeramda sonuncu olacağını söyləmək olmaz. Bəlkə, 34 yaşımda istedadamı tam ortaya qoya bildim".