Fatih Terim: "Narahatçılıq üçün heç bir əsas yoxdu"

"Braziliyaya yollanmaq şansımız hələ də qalır. Milli xalqın komandasıdı. Odur ki, mundiala vəsiqə qazansaq, bunu birlikdə etmiş olacağıq". Futbolxeber.az-ın məlumatına görə, bu sözləri Türkiyə millisinin baş məşqçisi Fatih Terim deyib. Sabah DÇ-2014-ün seçmə mərhələsi çərçivəsində Hollandiya ilə qarşılaşacaq "ay-ulduzlular"ın çalışdırıcısı bu oyunu Türkiyə futbolu tarixindəki ən mühüm matçlardan biri hesab edir: "Qarşıda bizi Hollandiya ilə oyun gözləyir. Ümid edirik ki, sabahkı oyundan sonra növbəti hədəfimiz play-offda uğur qazanmaq olacaq. Bu, Türkiyə futbolu tarixindəki ən vacib oyunlardan biridir. Oyunçularım buna hazırdılar. Narahatçılıq üçün heç bir əsas yoxdu".