“Real” Çempionlar Liqasının kralıdı”

“Çelsi”nin qapıçısı Kepa Arrisabalaqa Çempionlar Liqasının 1/4 final mərhələsində “Real”a qarşı keçiriləcək cavab oyunu barədə danışıb.

Futbolxeber.az saytının “Marca”ya istinadən verdiyi məlumata görə, ispan qolkiper Madrid klubunun qitənin 1 nömrəli klub turnirindəki inamlı çıxışından təəccüblənmədiyini bildirib:

“Real” Çempionlar Liqasının kralıdı. Ona görə madridlilərin bu turnirdəki inamlı çıxışından qətiyyən təəccüblənmirəm. Hər kəs onların tarixini gözəl bilir. Biz Madriddəki matçda zəif təsir bağışladıq. Amma indi vəziyyəti xeyrimizə dəyişə bilərik. Rəqib hər nə qədər güclü və favorit olsa da, sona kimi mübarizə aparacağıq. “Real”a güclü tərəflərini nümayiş etdirmək imkanı verməməliyik”.

Xatırladaq ki, “Çelsi” ilk matçda səfərdə “Real”a 0:2 hesabı ilə uduzub.