“İnter”in prezidenti: “ÇL-in yarımfinalını xəyal edirdik”

“İnter”in prezidenti Stiven Çjan komandasının Çempionlar Liqasında yarımfinala yüksəlməsi haqda danışıb.

Futbolxeber.az saytının məlumatına görə, klub rəhbəri yarımfinala vəsiqənin komandası üçün möhtəşəm nəticə olduğunu bildirib:

“Çempionlar Liqasında yarımfinala vəsiqə qazanmaq bizim üçün böyük uğurdu. Həm rəhbərlik, həm məşqçilər, həm də futbolçular üçün. Hamımız dərk edirik ki, Çempionlar Liqası ən çətin və ən prestijli turnirdi. Bu yarışda yarımfinala vəsiqəni xəyal edirdik. Çox şadam ki, arzumuzu reallığa çevirdik”.

Xatırladaq ki, yarımfinalda “İnter” “Milan”la üz-üzə gələcək. Tərəflər arasında ilk oyun mayın 9-da keçiriləcək. Matç Bakı vaxtı ilə 23:00-da start götürəcək.