“Zenit” “Trabzonspor”un qapıçısına təklif göndərib?

“Trabzonspor”un qapıçısı Uğurcan Çakırın meneceri “Zenit”in müştərisi ilə maraqlanması haqda yayılan xəbərlərə münasibət bildirib.

Futbolxeber.az saytının məlumatına görə, Gökhan Tabakcıoğlu Sankt-Peterburq klubundan rəsmi təklif almadıqlarını söyləyib:

“Zenit”in rəhbərliyindən mənimlə heç kim əlaqə saxlamayıb. Düzdür, Rusiyadan zəng gəlmişdi. Amma əlaqə quran şəxs menecer idi və bu keçidin reallaşması üçün yardımçı ola biləcəyini dedi. Yayılan informasiya da məhz burdan qaynaqlanır”.

Qeyd edək ki, “Trabzonspor”un heyətində 200-dən çox oyun keçirən Çakır 22 görüşdə də Türkiyə millisinin formasını geyib.