“Real” - “Vilyarreal” oyunundan sonra qalmaqal: Valverde körpəsini ələ salan rəqibi vurdu

La Liqanın 28-cu turu çərçivəsində keçirilən “Real” - “Villareal” oyunundan sonra qalmaqal yaşanıb.

Futbolxeber.az saytının İspaniya mətbuatına istinadən verdiyi məlumata görə, “Real”ın yarımmüdafiəçisi Federiko Valverde rəqib komandanın üzvü Aleks Baenunu vurub. Uruqvaylı futbolçu “Vilyarreal”ın üzvünü avtodayanacaqda gözləyib və klub avtobusunun yaxınlığında ona zərbə endirib.

“Marca” yazır ki, bu iki futbolçu arasında qalmaqalın əsası “Real” və “Vilyarreal” arasında keçirilən kubok oyununda qoyulub. Belə ki, həmin vaxt Baenu övladı dünyaya gəlməli olan, lakin problem yaşanan Valverdeni ələ salıb: “İndi ağla, sənin oğlun doğulmayacaq”. Uruqvaylının ətrafı bildirib ki, növbəti qarşılaşmada da “Vilyarreal”ın üzvü bu mövzunu yenidən qaldırıb. Baxmayaraq ki, artıq Valverdenin övladı sağlam şəkildə dünyaya gəlib.  

Yekunda hər şey stadionun avtodayanacağında yaşanan qalmaqalla yekunlaşıb. “Vilyarreal” açıqlamasında bildirib ki, avtodayanacaqda baş verən insidentin videoyazısı polisə təqdim olunacaq və onlar Valverdedən şikayət etməyə hazırlaşırlar.