Hollanla Messi arasında hansı fərqlə var?

“Mançester Siti”nin baş məşqçisi Xosep Qvardiola hazırkı futbolçusu Erlin Hollanla keçmiş oyunçusu Lionel Messini müqayisə edib.

Futbolxeber.az saytının məlumatına görə, ispan mütəxəssis Hollanın daim şən-əhval ruhiyyədə olduğunu bildirib:

“Hollan hər zaman xoşbəxtdi, hər zaman gülür. Halbuki Messi iki qol vurduqdan sonra üçüncü dəfə fərqlənə bilmədiyi üçün məyus olur. Erlin hər zaman yüksək motivasiyalıdı. Mövsümün əvvəlində, onun işləri yaxşı getmirdi. Hətta azarkeşlər onun komandaya adaptasiya ola bilməyəcəyini söyləyirdilər. Bütün bunlara baxmayaraq, Hollan məşqə gələndə daim üzü gülürdü və hamı ilə salamlaşırdı. O, təkcə meydanda deyil, paltardəyişmə otağına da, məşqlərdə də komandaya müsbət təsir göstərir. Hətta əvəz olunanda belə narazılığını bildirmir”.

Qeyd edək ki, Hollan cari mövsüm Premyer Liqada 27 oyunda 30 qol vurub.