Nazim Süleymanov vəzifəsindən azad edildi

Azərbaycanlı məşqçi Nazim Süleymanov Rusiyanın "Ximki" klubunun gənclərdən ibarət komandasının baş məşqçisi vəzifəsindən azad olunub.

Futbolxeber.az-ın klubun saytına istinadən  verdiyi məlumata görə, o, bundan sonra fəaliyyətini klubun U-19 komandasında davam etdirəcək. Süleymanovla yanaşı, onun köməkçisi Emin Ağayevin də U-19 komandasına qayıtması barədə qərar verilib. Əvəzedici heyətin baş məşqçisi vəzifəsinə isə tanınmış rusiyalı mütəxəssis Rinat Bilyaletddinov təyin edilib.

Qeyd ediək ki, Süleymanov daha əvvəl də U-19-da işləyirdi. Bu il fevralın 3-də millimizin sabiq kapitanı əvəzedici komandanın baş məşqçisi təyin olunmuşdu. Onun rəhbərliyi altında "Ximki" gəncləri Rusiya 2-ci liqasında keçirdiyi 3 matçdan 2-də heç-heçə edib, 1-də isə uduzub.