Keyn komandasını tənqid etdi

“Tottenhem”in hücumçusu Harri Keyn Çempionlar Liqası ilə vidalaşmalarına görə çox məyus olub.

Futbolxeber.az saytının məlumatına görə, ingilis hücumçu “Milan”la mübarizədən məğlub ayrılmaları səbəbindən komanda yoldaşlarını tənqid etməkdən belə çəkinməyib:  

“Biz titullar qazanmalıyıq. Bu, hər zaman komandanın məqsədi olub. Lakin indiki məqamda hədəfimiz İngiltərə Premyer Liqasında ilk dördlüyə düşməkdi. Bu isə istədiyimiz kimi çıxış etmədiyimizin göstəricisidi. Son həftə bizim üçün uğursuz alındı. Halbuki İngiltərə Kubokunun 1/8 finalına qədər hər şey fərqli alına bilərdi. Ötən həftəki məğlubiyyətdən sonra sanki ürəyimə xəncər batırılıb. Bütün komanda toparlanmalı və heç olmasa qarşıya qoyulan minimum hədəfə çatmalıyıq. Hər kəs bunun üçün əlindən gələni etməlidi”.

Qeyd edək ki, səfərdə “Milan”a 0:1 hesabı ilə uduzan “Tottenhem” öz meydanında rəqibi müqavimətini qıra bilməyib - 0:0.