Kvaratsxeliya: “İtalyan məşqçilər futbolçunu necə oynatmalı olduqlarını bilirlər”

“Napoli”nin hücumçusu Xviça Kvaratsxeliya baş məşqçisi Luçano Spaletti ilə ilk tanışlığından danışıb.

Futbolxeber.az saytının məlumatına görə, gürcü futbolçu “The New York Times”a müsahibəsində italiyalı məşqçilər haqda müsbət fikirlər səsləndirib:

“İlk dəfə danışığımız çox yaxşı alındı. O, komanda üçün nə edəcəyimi mənə izah etdi. Biz müdafiə olunmaqdan, kollektivin mexanizmindən və komanda ruhundan danışdıq. Xüsusən komanda ruhu uğur qazanmaq üçün çox vacibdi. İtalyan məşqçilər bütün dünyada məşhurdular. Onlar futbolçunu necə oynatmalı olduqlarını bilirlər”.

Qeyd edək ki, bu yay “Napoli”yə qoşulan Kvaratsxeliya “Napoli”də 28 oyunda 15 dəfə fərqlənib, 13 dəfə məhsuldar ötürmə verib.